Qeveria ruse i ngrin llogaritë bankare, mbi 3 milionë dollarë taksa të papaguara

Ish-kampioni i peshave të lehta të UFC-së, Khabib Nurmagomedov, është në telashe me autoritetet tatimore ruse. Ai është akuzuar për “parregullsitë” financiare të gjetura në bizneset që zotëron ish-luftëtari nga Dagestani.

Media e lajmeve në internet “Mash.ru”, ishte e para që konfirmoi këto akuza, të cilat u referohen burimeve zyrtare nga qeveria ruse. Sipas tyre, Khabib po hetohet për mospagimin e taksave të biznesit të tij, me vlerën 3.3 milionë dollarë.

Hetimi nga Shërbimi Federal i Taksave (IRS) thuhet se ka vazhduar për pak kohë dhe ka nisur pasi Nurmagomedov u largua nga bota e arteve marciale mikse (MMA) në vitin 2023 dhe u largua nga disa biznese.

Pas ekzaminimeve paraprake të këtyre bizneseve të ish-luftëtarit rus, u zbulua parregullsi në dokumente, duke çuar në një auditim të plotë. Tani, qeveria dyshohet se ka ngrirë disa llogari bankare biznesi që lidhen me bizneset e Khabib, duke përfshirë promovimin e Eagle FC dhe fondin e tij të bamirësisë.

“Mash.ru” konfirmon se autoritetet ruse ishin të mërzitur që paratë që duhej të shkonin për taksat u devijuan në sipërmarrje biznesi jashtë vendit si Emiratet e Bashkuara Arabe dhe Turqia. Nëse situata verifikohet, Khabib do të detyrohet të paguajë shumën që i detyrohet shtetit./Telesport.al/