Qytetarët thonë se janë të detyruar të kursejnë ngrohjen edhe kur temperaturat janë tejet të ulëta

Gazetare: Ajnur Bafqari

Shumica e qytetarëve gjatë sezonit të dimrit ngrohin vetëm dhomën e ndenjës, ndërsa dhomat e tjera mbeten të ftohta. Nga anketa e realizuar në terren rezulton se shumica e qytetarëve përdorin dru ose rrymë elektrike për ngrohje, por për të kursyer kufizojnë ngrohjen vetëm në një dhomë.

“Ngrohemi me dru, aty ku rrimë e ngrohim…00:25 Çmimet janë katastrofë, këtu është më shtrenjtë se në Evropë. Drutë janë me çmim të njëjtë si në Gjermani..00:39 Ky është kaos, pagat zero, çmimet në tavan”, tha një qytetar.

“Me klimë. Vetëm dhomën e ditës”, u shpreh një qytetar

“Me klimë..Të gjithë sallonin si e kam e ngroh…00:27 Me klimë nuk është shtrenjtë mund të ngrohet mirë, por shtëpia duhet të jetë 100 përqind e izoluar. Nëse nuk është, klima nuk vlen as pesë para”, tha qytetari.

“Jo, jo të gjithë shtëpinë nuk mundemi, askush nuk mund ta përballojë atë, një njëri i ndershëm nuk arrin të ngrohë të gjithë shtëpinë. Vetëm dhomën e ndjenjës”, tha qytetari.

“Ngrohemi me dru. Vetëm dhomën e ndenjës e ngrohim. Dhomat e tjera nuk i ngrohim fare”, u shpreh një qytetar.

“Me peleta. E ngrohim dhomën e ndenjës një dhomë dhe kaq”, tha qytetari.
Sipas të dhënave statistikore, më shumë se gjysma e amvisërive në vend përdorin drurin si burimin kryesorë për ngrohje, energjia elektrike është burimi i dytë, ndërsa sistemet e ngrohjes qendrore, shfrytëzohen nga më pak se 10 për qind të amvisërive.