Radhë të gjata në aeroportin e Cyrihut edhe para orës 6 të mëngjesit

Radhë të gjata u krijuan në aeroportin e Cyrihut herët në mëngjes të dielën. Arsyeja ishin pasagjerët që ndodheshin aty disa orë para fluturimeve të tyre – edhe pse sportelet nuk ishin hapur ende, raporton “20 minuta” .

“Check-in hapet dy orë para fluturimit të parë, pra në orën katër, kontrolli i sigurisë në katër e gjysmë”, shpjegon për gazetën një zëdhënëse e aeroportit. Megjithatë, shumë pasagjerë që kishin fluturime në orën gjashtë, shtatë apo edhe tetë të mëngjesit kishin qenë tashmë atje.

Sidomos në kontrollin e sigurisë, nxitimi i rreth 6,000 pasagjerëve rezultoi në kohë më të gjata pritjeje dhe një radhë para ndërtesës. Situata u qetësua në orën 06:15, citohet të ketë thënë zëdhënësja.

Pasagjerët këshillohen të jenë në aeroport të paktën tre orë para nisjes. Ose edhe më herët nëse duan. Për fluturimet herët në mëngjes, megjithatë, ka kuptim të shënohet orari i hapjes së sporteleve, thotë zëdhënësja.