Raspadori: Tani kemi edhe 3 finale për të shkuar te titulli

Ndeshjet e fundjavës së kaluar konfirmuan Napoli në krye të renditjes së Serie A, me +3 pikë karshi Inter. Fitorja 1-0 ndaj Leçes ishte e rëndësishme për skuadrën e trajnerit Konte, që tani i duhet të fitojë tri sfidat e radhës për t’u shpallur kampione. Protagonist i suksesit të fundit ishte sulmuesi Xhiakomo Raspadori, që me golin e tij i dha 3 pikët skuadrës.

“E dimë që jemi në fund të sezonit. Kanë mbetur edhe tre ndeshje, tani duhet të bëjmë një hap me ndeshjen tjetër. Ka gola që mbahen mend dhe janë të rëndësishëm, por ajo që mbetet është puna që bëjmë çdo ditë për të fituar ndeshje si kjo. Duhet ta kuptojmë se janë edhe tre takime, por ndeshja tjetër mbetet gjithnjë më e rëndësishmja”, shtoi Raspadori.

“Duke ditur presionin që kishim gjëja më e rëndësishme ishte të fitonim dhe ia dolëm mbanë. Soliditeti ynë fillon nga puna që bën i gjithë ekipi. Kur të gjithë luajnë mirë, presioni është më i lehtë për ne”, deklaroi sulmusi Raspadori.