Rastet e fundit me koronavirus, Finlanda anulon fluturimet nga Shkupi
Alsat
20.08.2020 09:45
Finlanda i anuloi fluturimet nga Maqedonia e Veriut deri më 29 gusht për shkak të rritjes së numrit të udhëtarëve të infektuar me Kovid-19 që vijnë nga vendi në periudhën e fundit.
Ministri finlandez i Transportit dhe Lidhjeve, Timo Haraka tha se vendimi është marrë nga Agjencia e Transportit dhe Lidhjeve Traficom, bazuar në një analizë të Institutit Kombëtar të Shëndetësisë.
Suspendimi i fluturimeve vjen dy ditë pasi 17 pasagjerë që mbërritën me fluturimin e Vizerit nga Shkupi për në Turku të martën rezultuan pozitivë në Kovid-19. Gjithsej 113 nga 127 pasagjerët në aeroplan u testuan dhe të gjithë janë vendosur në karantinë.
