Reaktori në termocentralin bërthamor Zaporozhye u mbyll për shkak të granatimeve

Një nga dy reaktorët që operojnë në kompleksin e centralit bërthamor Zaporozhye në Ukrainë është mbyllur për shkak të granatimeve ruse.

“Si rezultat i një sulmi tjetër me mortaja nga forcat ruse në vendin e termocentralit bërthamor Zaporozhye, mbrojtja emergjente është aktivizuar dhe burimi i pestë operacional i energjisë është mbyllur.

Misioni i Agjencisë Ndërkombëtare të Energjisë Atmosferike (IAEA) duhet të mbërrijë sot në termocentral.

“Misioni është ende duke pritur në postbllokun ukrainas pas bombardimit të sotëm të Zaporozhye, por është i vendosur të arrijë në objekt sot”, tha zëdhënësi i IAEA.

Energoatom konfirmoi se autokolona me anëtarë të IAEA është rreth 20 kilometra larg vijës së frontit dhe po pret që situata rreth termocentralit bërthamor të pastrohet dhe të bëhet e sigurt. Informacioni i fundit është se përfaqësuesi i IAEA deklaroi se misioni do të duhet të presë të paktën tre orë për të shkuar në termocentral.

Drejtori i Agjencisë Ndërkombëtare të Energjisë Atomike, Rafael Grossi, është në kontakt me ushtrinë ukrainase për të lejuar që misioni të arrijë në termocentral. Gjatë ditës, pala ruse dhe ukrainase vazhduan të shkëmbejnë akuza për granatimet e zonës pranë termocentralit bërthamor.