Real Madridi është shpallur kampion i Spanjës për herë të 36-të në histori të klubit.

Kjo pas humbjes së Barcelonës ndaj Gironas me rezultat 4-2, në kuadër të xhiros së 34-të në La Liga. Kështu “Mbretërit” u shpallën kampionë me katër xhiro të mbetura në elitën e futbollit spanjoll. Reali grumbulloi 87 pikë, 13 më shumë se Barcelona që është në pozitën e dytë.

Ndryshe, madrilienët shënuan fitore të shtunën ndaj Cadizit me shifrat 3-0. Edhepse kishin përfunduar lojën më herët, madrilenët qëndruan në Santiago Bernabeu për të pritur përfundimin e ndeshjes që i bëri kampion edhe zrtarisht, ndërsa kjo ishte festa e tyre.