Reali e mposhti Levanten, kjo e fundit afër rënies nga La Liga
Reali e mposhti Levanten, kjo e fundit afër rënies nga La Liga
Ka përfunduar ndeshja mes gjigantit spanjoll Real Madrid dhe skuadrës së Levantes, ku kjo e fundit është deklasuar dhe tani gjendet shumë pranë rënies nga La Liga.
Pas plot 90’ minutave lojë të zhvilluara në stadiumin “Santiago Bernabeu”, Reali e ka shkatërruar Levanten me rezultat të thellë 6:0, përcjell KosovaPress.
Fillimisht, rezultatin i pari e zhbllokoi Ferland Mendy në minutën e 13’, kurse epërsinë në 2:0 e thelloi ylli francez Karim Benzema në minutën e 19’ të ndeshjes.
Golin e tretë për Realin e shënoi braziliani Rodrygo në minutën e 34’, kurse bashkëkombësi i tij, Vinicius Junior, thellon epërsinë në 4:0 në minutën e 45’.
Reali vazhdoi me paraqitje bindëse edhe në pjesën e dytë, ku ylli brazilian Vinicius Junior shënon edhe dy gola të tjerë për të kompletuar hat-trickun e tij, dhe për ta vulosur fitoren e thellë 6:0 të Realit.
Me pikët e reja, Reali shkon në kuotën e 84 pikëve, për dallim nga kundërshtari i sotëm, Levante, që zë vendin e fundit në tabelë me vetëm 29 pikë të arkëtuara.
Rezultati final i ndeshjes është 6:0 në favor të Realit.