Reali nuk mendon për Kristiano Ronaldon

Real Madridi nuk po konsideron rikthimin e Kristiano Ronaldos këtë verë. “COPE” raporton se Ronaldo është shumë i admiruar në kryeqytetin spanjoll për gjithçka që ai ka bërë, por “Los Blancos” nuk po konsideron rikthimin e tij në moshën 36 vjeçare.

‘Galaktikët’ janë të vendosur që të transferojnë një lojtar të ri për të ardhmen, që do t’iu ndihmojë atyre të arrijnë realizimin e qëllimeve. Portguezi është lidhur me një rikthim të mundshëm në Real Madrid për disa javë, pas eliminimit të Juventusit nga Porto në fazën e 16 të finales.

Burime të shumta raportuan se Ronaldo do të dëshironte të kthehej në Madrid dhe është madje i gatshëm të shkurtojë pagën e tij. Megjithatë, zëvendës-presidenti i Juventusit, Pavel Nedved, dhe drejtori sportiv, Fabio Paratici, mohuan që Kristiano do të largohet në verë.