Republikanët kërkojnë 60 milion dollarë për betejën ligjore të Donald Trump

Fushata e Trump ka ngritur procese gjyqësore në disa shtete gjatë zgjedhjeve të së martës, pasi kandidati demokrat Joe Biden është shumë afër shpalljes së fitores.

Komiteti Kombëtar Republikan po përpiqet të grumbullojë të paktën 60 milion dollarë për të financuar sfidat ligjore të ngritura nga presidenti Donald Trump për rezultatet e zgjedhjeve presidenciale në SHBA.

Fushata e Presidentit Trump ka ngritur padi në disa shtete.

Një këshilltar i Trump e cilësoi strategjinë e çështjeve gjyqësore të fushatës deri tani si kaotike, të paorganizuar dhe një “dëm ndaj presidentit”.  Fushata tashmë ka humbur vendimet gjyqësore në shtetet e diskutuara ngushtë duke përfshirë Gjeorgjinë dhe Nevadën, por shënoi një fitore në Pensilvani të premten.

“Duhet të ketë durim ndërsa procesi vazhdon ende”, tha Marc Short, shefi i kabinetit të Zëvendës Presidentit Mike Pence. “Ka një çështje për t’u siguruar që çdo votë ligjore të  numërohet,” tha ai.

Trump shkroi në Twitter  të premten se ai kishte një “epërsi të madhe” në shtete vonë natën e zgjedhjeve, e cila “për mrekulli” u zhduk ndërsa ditët kalonin.
Këshilltari i lartë i fushatës Trump David Bossie, një aktivist i shquar konservator që drejton grupin e avokatëve Citizens United, do të drejtojë sfidat ligjore pas zgjedhjeve.

Ndërsa Biden zgjeroi kryesimin e tij të ngushtë në Pensilvani dhe Xhorxhia të premten, një zyrtar republikan tha se ishte e dyshimtë që strategjia e numërimit të votave në shtete të ndryshme do të prodhonte një fitore për Trump.

“Kjo është matematika. Ju llogarisni se çfarë do të duhej që një rinumërim të përmbyste  rezultatin dhe ne jemi shumë larg këtyre numrave, ”tha zyrtari, i cili foli në kushtet anonimiteti.

LEXO EDHE:

Back to top button