" "
Sulmuesi Rijad Mahrez nuk do të largohet nga Man. Siti. Sipas ‘MEN’, Mahrez pritet ta vazhdojë kontratën me Man. Siti. Kontrata aktuale e sulmuesit me ‘Citizens’ mbaron më 30 qershor të vitit 2023, por klubi anglez dëshiron ta ‘blindojë’ yllin e tyre.
Algjeriani konsiderohet si futbollist kyç në formacionin e Pep Guardiola dhe kampioni i Anglisë do ta shpërblej me kontratë të re dhe me përmirësim page. 30- vjeçari, sezonin e kaluar zhvilloi 48 ndeshje me klubin e tij në të gjitha garat, duke realizuar 14 gola dhe 9 asiste.
