Rusia dhe Irani nënshkruan sot një marrëveshje nafte dhe gazi me vlerë mbi 40 miliardë dollarë, duke vazhduar bashkëpunimin mes dy vendeve.
Ministri iranian i naftës Javad Owvi deklaroi se marrëveshja përfshin dy pjesë.
“Ne nënshkruam një memorandum marrëveshjeje me Rusinë me vlerë 4 miliardë dollarë për zhvillimin e vendburimeve të naftës, si dhe një marrëveshje për ndërtimin e një gazsjellësi dhe instalimesh prodhimi në vlerë prej 40 miliardë dollarësh”, tha ministri.
Irani deklaroi se Rusia do të fillojë zhvillimin e gjashtë fushave të naftës dhe dy tubacioneve të gazit të vendosura në territorin e Iranit.
Me rastin e marrëveshjes së nënshkruar, zëvendësi i kryeministrit rus, Alexander Novak, bëri të ditur se projektet e reja do të thellojnë bashkëpunimin mes dy vendeve.
Sipas tij, pritet që në fillim të kontratave të lëvizin rreth 5 milionë tonë naftë në vit dhe gaz deri në 10 miliardë metër kub.
