San Antonio mund Detroitin, disfatë e Lejkersit në Denver
Ekipi i San Antonios fitoi 121-106 ndaj Detroit, në përballjen mes dy nga ekipet pretendente për titull këtë sezon në NBA. Viktor Uembanjama ishte lider për Spurs, autor i 38 pikëve e 16 rebound, mbështetur edhe nga Fox me 29 pikë.
Humbet skuadra e Lejkersit, që u ndal 120-113 nga Denver. Donçiç realizoi 27 pikë për miqtë, por që s’mjaftuan, ndërsa Nikola Jokiç e mbylli me një “triple double” për Denverin, me 28 pikë, 12 kërcime dhe 13 asiste.
Fitore në sekondat e fundit për Orlandon, që mundi 115-114 Dallasin, ndeshje ku u dallua Da Silva me 19 pikë.
Edhe Çikago fiton “in extremis”, 105-103 ndaj Feniksin, me Sekstonin si protagonist dhe autor i 30 pikëve.
Ekipi i Golden Stejtit, falë 26 pikëve të Podziemski dhe 23 pikëve të Melton, mposhti pas kohës shtesë Hjustonin me shifrat 125-123. Nuk zhgënjen ekipi i Minesota, që në fushën e tij triumfoi 115-107 ndaj Toronto (Eduards 22 pikë).
NBA-Rezultatet e sotme
Orlando – Dallasi, 115-114
Uashingtoni – Juta Xhaz, 112-122
Hjustoni – Golden Stejt, 113-115
Majami – Bruklini, 126-110
Minesota – Toronto, 115-107
San Antonio – Detroiti, 121-106
Feniksi – Çikago, 103-105
Denveri – Lejkersi, 120-113
Sakramento – Nju Orlinsi , 123-133
