Sanksionohen 166 vozitës në lagjen e Draçevës

Ministria për Punë të Brendshme gjatë ditës së djeshme (08.12.2020) ka vazhduar me kontrollet e shtuara në trafik. Në territorin e Draçevës në Shkup janë shqiptuar gjithsejtë 166 gjoba dhe atë 33 për ngasje të makinës pa patentë shoferi, 14 për makina të paregjistruara, 6 për përdorim të telefonit celularë, 20 për rripin e sigurisë dhe 8 gjoba për ngasje të makinës në gjendje të dehur.

Nga MPB-ja njoftojnë të gjithë pjesëmarrësit në trafik se kontrollet e shtuara do të vazhdojnë edhe në ditët në vijim, andaj kërkojnë që të respektohen rregullat dhe të kontribuohet për siguri më të madhe në komunikacion.