Sateliti RHESSI i NASA-s u dogj mbi Sahara

NASA dhe Departamenti i Mbrojtjes i SHBA vlerësojnë se sateliti Reuven Ramaty High Energy Solar Spectroscopic Imager, ose shkurt RHESSI, bëri një hyrje të pakontrolluar në atmosferë rreth orës 21:30 të së mërkurës, por koha e parashikuar është pak a shumë 16 orë.

RHESSI, i cili ka studiuar Diellin nga orbita e Tokës për gati dy dekada, u nis në 2002 dhe përfundoi misionin e tij në 2018. Javën e kaluar ajo e ka përballuar fundin e saj “të zjarrtë” duke hyrë në atmosferën e planetit tonë.

I lëshuar në orbitë nga raketa Pegasus XL, sateliti ishte projektuar për të studiuar flakët diellore dhe nxjerrjet në masë koronale (CME). Gjatë jetës së tij, ai zbuloi më shumë se 100,000 ndezje dhe i ndihmoi astronomët të kuptonin më mirë formën e Diellit.

Sipas informacioneve zyrtare, RHESSI “kryesisht është djegur” në atmosferë, por ekziston mundësia që disa nga përbërësit e tij të “mbijetojnë” dhe të jenë të shpërndarë në shkretëtirë.

Sateliti mban emrin e Reuven Ramatit, një studiues dhe shkencëtar i vjetër i NASA-s. Misioni ishte planifikuar të zgjaste dy vjet, por RHESSI tejkaloi pritjet dhe vëzhgoi Diellin për më shumë se cikli i tij diellor 11-vjeçar.

Komunikimi me satelitin u humb më 12 prill 2018 dhe humbja e telemetrisë pasoi tre muaj më vonë. Të dhënat që ai mblodhi u treguan shkencëtarëve se si Dielli gjeneron ejeksione të masës koronale. Këto “shpërthime” të fuqishme lëshojnë energji të barabartë me miliarda megatonë TNT dhe mund të shkatërrojnë satelitët dhe të prishin komunikimet në Tokë.