Sfida Nurmagomedov-Gaetje, në orën 23.00

Në eventin e arteve marciale që sot do të zhvillohet në Abu Dhabi, përballja kryesore do të jetë në mes Khabib NurmagoMedov dhe sfidantit Xhastin Gaetje. Kampioni në peshat e lehta, NurmagoMedovi, numëron 28 fitore në po kaq ndeshje të zhvilluara dhe sonte do të mbrojë titullin për herë të tretë. Kundërshtari i tij, Gaetje, ka 22 fitore dhe dy humbje, por që cilësohet si kundërshtari më i vështirë që ka pasur ndonjëherë Khabibi. Ndeshja mes dy atletëve më të njohur të peshave të lehtë në UFC, do të fillojë në orën 23:00, sipas kohës sonë lokale.