Pas fitores ndaj Gjeorgjisë dhe barazimit me Greqinë, Kosova do ta mirëpres Spanjën në “Fadil Vokrri”, shkruan. Para kësaj përballje, trajneri Bernard Shalland beson se do të jetë një takim i vështirë.
Përballja me Spanjën është e vështirë, nëse do varej nga unë do kërkoja nga FIFA që të mos përballemi me Spanjën. Është kundërshtarë shumë i fortë, loja zhvillohet në dy kompontente, që është posedimi i topit dhe presioni i madh. Ne do provojmë të japim më të mirën si çdo kush tjetër siç bëri Suedia që nuk e kishte posedimin, por ia doli t’i marrë tre pikët.
Shalland e vlerëson këtë super sfidë, derisa foli edhe për taktikat që do përdorë në ndeshje.
“Është e vështirë të luash kundër tyre, ekip që dëshiron të mbajë topin dhe kjo u pa kundër Suedisë, kur patën 76 për qind të posedimit të topit, por Suedia fitoi përballjen. Për Kosovën dhe skuadrat e tjera duhet të luhet me mbrojtje të fortë. Duhet të tregohet mbrojtje shumë e mirë, pastaj përmes ndonjë kundëraksioni të provojë. Për ne është shumë e vështirë të kërkojmë fitoren ndaj Spanjës, por nëse thomë se do jetë e pamundur, atëherë do ishte budallaki”.
Rashani mungoi ndaj Greqisë shkaku i lëndimit, Bekaj doli pozitiv me COVID-19, derisa Berisha pësoi një lëndim në momentet e fundit.
“Bekaj është pozitiv nuk ka shanse. Rashani dhe Berisha do provojnë të stërviten tani, pastaj do vendosim se çfarë do ndodh. Nuk do jetë e lehtë, sepse kemi mungesën e Kastratit dhe Halimit që janë të suspenduar, por duhet të shihet situata e Valonit dhe pastaj të marrim vendimet e duhura”, përfundoi Shalland.
Përballja mes Kosovës dhe Spanjës zhvillohet nesër me fillim nga ora 20:45.
