SHBA mund Kandanë dhe merr medaljen e artë pas 46 vite pritjesh
Shtetet e Bashkuara të Amerikës kanë shkruar histori në Lojërat Olimpike Dimërore 2026, duke mposhtur Kanadanë me rezultat 2-1 pas kohës shtesë dhe duke fituar medaljen e artë në hokej për meshkuj – për herë të parë që nga viti 1980. Heroi i mbrëmjes ishte Xhek Haxhis, i cili realizoi golin vendimtar në vazhdime, duke vulosur triumfin amerikan në një finale dramatike.
Portieri amerikan Konor Hellebujk ishte figura kyçe e finales, duke regjistruar plot 41 pritje. Matju Boldi realizoi një gol spektakolar pasi depërtoi mes dy mbrojtësve për avantazhin 1-0. Kanadaja reagoi fuqishëm dhe barazoi me një goditje të Kejl Meker më pak se dy minuta para fundit të kohës së rregullt, duke e çuar finalen në vazhdime. Në kohën shtesë,Haxhis përfitoi nga një hapësirë në zonën sulmuese dhe realizoi golin e artë për 2-1.
Ky sukses ka një domethënie të veçantë, pasi hera e fundit që SHBA-të fituan medaljen e artë në hokej për meshkuj ishte në vitin 1980 në Lejk Plejsid – në atë që njihet si “Mrekullia mbi Akull”.
Për më tepër, SHBA-të dominuan hokejin në këto Lojëra Olimpike, pasi edhe ekipi i femrave fitoi medaljen e artë – po ashtu kundër Kanadasë – duke kompletuar një arritje historike për sportin amerikan.
