Shefi i shtabit të Ushtrisë së Izraelit: “Ne nuk po i japim fund luftës”
Shefi i shtabit të Ushtrisë së Izraelit: “Ne nuk po i japim fund luftës”
Shefi i shtabit të Ushtrisë së Izraelit ka thënë se lufta e Izraelit kundër Hamasit do të vazhdojë, edhe pse të dyja palët po presin hyrjen në fuqi të marrëveshjes që synon një armëpushim katër-ditor të luftimeve.
Gjenerallejtënant Herzi Halevi i bëri komentet gjatë vizitës së komandantëve të brigadës në Rripin e Gazës.
“Ne nuk po i japim fund luftës. Ne do të vazhdojmë derisa të fitojmë”, ka thënë Halevi.
Izraeli ka paralajmëruar se po planifikon të vazhdojë ofensivën e tij pasi të përfundojë armëpushimi në një përpjekje për të arritur qëllimet e tij për të liruar 240 pengjet e kapur nga militantët palestinezë më 7 tetor dhe për ta shkatërruar Hamasin.
Marrëveshja për armëpushim katër-ditor në Gazë dhe lirimin e dhjetëra pengjeve të mbajtura nga Hamasi dhe palestinezëve të burgosur nga Izraeli nuk do të hyjë në fuqi deri të premten, një ditë më vonë se sa ishte paralajmëruar fillimisht.
