Shkup,  96 gjoba për shkelje të rregullave në trafik

Ministria për Punë të Brendshme (MPB) informon se gjatë ditës së djeshme në territorin e qytetit të Shkupit janë shqiptuar gjithsej 96 gjoba, nga të cilat 48 për tejkalim të shpejtësisë, 20 për drejtim të automjetit pa patentë shoferi, 10 për kundërvajtje nga motoçiklistë, tri masa për drejtim të automjetit në gjendje të dehur.

Nga MPB-ja njoftojnë se kontrollet e shtuara në trafik do të vazhdojnë edhe në ditët në vijim, andaj apelojnë tek qytetarët që të respektojnë rregullat e komunikacionit dhe së bashku të kontribuojmë për rrugë më të sigurta.