Shkupi merr nje pikë në Kavadar, Gostivari befason Brerën në Strumicë

Sot u zhvilluan katër nga 6 ndeshjet e programuara të javës së 10-të në Ligën e Parë Futbollistike të Maqedonisë së Veriut.

Në derbin e përballjeve të ditës së shtunë, skuadra e Tikveshit dhe FC Shkupit, u ndalën në barazimin 1-1. Spahiu dhe Vosha ishin autor të golave në këtë përballje. Ndërkohë terrenin vendas e shfrytëzuan skuadrat e Voska Sportit dhe Bregallnicës, të cilat shënuan fitore me rezultat identik 2-1, kundër Makedonija Gjorçe Petrovit, respektivisht Rabotniçkit.

Ndërkohë fitoren e vetme në transfertë e shënoi skuadra e Gostivarit, e cila mundi ekipin e Brera Strumicën me 1-0. Të dielën do të zhvillohen dy ndeshjet e tjera të javës së 10-të, kur Vardari, në Shkup, përballet me Shkëndijën, ndërsa Struga Trim Lum, në terrenin vendas takohet me Sileksin.

Liga e Parë – Java 10

Tikvesh 1-1 Fc Shkupi

Voska Sport 2-1 Makedonija Gj.P.

Bregallnica 2-1 Rabotniçki

Brera Strumica 0-1 Gostivari

Vardari – Shkëndija

Struga Trim Lum – Sileksi