Shpërthim masiv pas përplasjes së trenit me kamionin në Teksas
Një tren mallrash që transportonte benzinë ka shpërthyer në flakë pasi u përplas me një kamion në Teksas të SHBA. Pamjet e tymit të zi që mbulon qiellin e Cameron janë bërë virale në rrjetet. Shtëpitë pranë zjarrit u evakuuan, ndërsa një banesë u dogj tërësisht. Drejtuesi i kamionit dhe njerëzit në bordin e trenit shpëtuan mrekullisht pa dëmtime. Sipas njoftimeve të mediave lokale, të paktën tre pjesë të trenit morën flakë dhe disa njësi kishin lënë shinat.
