Shqipëri, 5 të vdekur dhe 153 raste te reja me koronavirus

Ministria e Shëndetësisë në Shqipëri ka përditësuar të dhënat e fundit sa i takon pandemisë së Covid-19. Kështu, në harkun kohor të 24 orëve të fundit kanë humbur jetën pesë qytetarë, ndërkohë janë regjistruar edhe 153 raste pozitive.

Specialistja e Instituti i Shëndetit Publik, Eugena Tomini, u shpreh se gjendja në spitale paraqitet e qëndrueshme. Ajo shtoi se aktualisht në dy spitalet Covid po marrin trajtim mjekësor 178 pacientë, ku 13 janë të terapi intensive, kurse pesë të tjerë po trajtohen me frymëmarrje të drejtuar.

Autoritetet shëndetësore që nga fillimi i pandemisë dhe deri sot kanë kryer 78886 teste të dyshuara, ndërkaq janë evidentuar 12226 persona të prekur nga coronavirus. Ministria e Shëndetësie raporton më tej se numri total i viktimave nga Covid-19 ka shkuar në 358.

Qarku më i prekur është Tirana me 170 jetë të humbura, i ndjekur nga Durrësi me 46 dhe Shkodra me 39. Qarku më pak i prekur është Berati, pasi deri tani janë raportuar vetëm dy vdekje nga Covid-19.