Shtatë humanitarë të huaj u vranë në një sulm izraelit në Gaza
Shtatë punonjës të ndihmave u vranë në Rripin e Gazës në atë që themeluesi i bamirësisë tha se ishte një sulm ajror izraelit.
Në mesin e punonjësve të vdekur të organizatës spanjolle World Central Kitchen (WCK) janë punëtorë nga Polonia, Australia, Irlanda, Mbretëria e Bashkuar, një shtetas i dyfishtë i Kanadasë dhe Shteteve të Bashkuara, si dhe nga Palestina.
Themeluesi dhe shefi i kuzhinës WCK, Jose Andres tha se ata u vranë “në një sulm ajror IDF (Forcat e Mbrojtjes së Izraelit). IDF tha se po kryente një “hetim të plotë mbi këto akuza”.
Zyra e mediave në Gaza e drejtuar nga Hamasi, një organizatë e cilësuar si organizatë terroriste nga Shtetet e Bashkuara dhe Bashkimi Evropian, gjithashtu fajësoi Izraelin për sulmin.
“Ne jemi të vetëdijshëm për raportet se anëtarët e ekipit World Central Kitchen u vranë në një sulm të IDF-së ndërsa mbështesin përpjekjet tona humanitare për të ofruar ushqim në Gaza,” raportoi WCK në Rrjetin X.
We are aware of reports that members of the World Central Kitchen team have been killed in an IDF attack while working to support our humanitarian food delivery efforts in Gaza. This is a tragedy. Humanitarian aid workers and civilians should NEVER be a target. EVER.
— World Central Kitchen (@WCKitchen) April 1, 2024
