Ruben Amorim, trajneri aktual i Man. Junajtedit, vazhdon të përballet me presionin në rritje për shkak të rezultateve të dobëta në “Old Trafford”.
Nën drejtimin e tij, skuadra ka arritur vetëm tetë fitore në gjithsej 20 ndeshje të luajtura në shtëpi në Premier Ligë, një statistikë që nuk i përkon pritshmërive të klubit dhe tifozëve. Në javën e 14-të të kampionatit, Man. Junajted u ndal në një barazim 1-1 ndaj Uest Hamit, pavarësisht mbështetjes së madhe nga tribuna dhe nevojës urgjente për një rezultat pozitiv.
Barazimi i radhës në shtëpi vetëm sa e thelloi krizën e performancës së skuadrës në “Old Trafford”. Duke i shtuar këtij rezultati edhe ndeshjet e mëparshme, bilanci i plotë i Man. Juanjtedit në 20 përballjet si vendas nën drejtimin e Amorim shënon tetë fitore, nëntë humbje dhe tre barazime
Këto shifra jo vetëm që tregojnë mungesë konsistence, por gjithashtu theksojnë vështirësinë e ekipit për të ruajtur dominimin në shtëpi, një element tradicionalisht i fortë për klubin. Skuadra pritet të reagojë në javët në vijim, ndërsa presioni për rezultate pozitive bëhet gjithnjë e më i madh.
