Si mendoni? Në cilën moshë femrat janë më tërheqëse dhe në cilën moshë meshkujt?

Nëse dikush është tërheqës apo jo varet nga shumë faktorë dhe hulumtimet e fundit tregojnë se mosha ka të bëjë me të. Një studim i botuar në revistën New Beauty u përpoq të jepte një përgjigje universale për atraktivitetin. Në anketë morën pjesë 16,000 njerëz nga tetë vende: Gjermania, Italia, Franca, Spanja, Mbretëria e Bashkuar, Australia, Shtetet e Bashkuara dhe Kanadaja.

Të gjithë të anketuarit iu përgjigjën një pyetjeje në dukje të thjeshtë: në cilën moshë janë femrat më tërheqëse dhe në cilën moshë meshkujt? Rezultatet e hulumtimit treguan se femrat janë më tërheqëse në moshën 28-vjeçare dhe meshkujt në moshën 32-vjeçare.

Është interesante se rezultatet në vende të veçanta ndryshojnë nga rezultatet e përgjithshme. Kështu, për shembull, në Britaninë e Madhe përgjigja universale ishte se gratë janë më të bukura në 23 dhe burrat në 33, ndërsa amerikanët i konsideronin gratë më tërheqëse në 31 dhe burrat në 34.