Si pasojë, humbën jetën tre persona – momenti kur rrufeja goditi afër Shtëpisë së Bardhë në Uashington

Tre persona gjetën vdekjen dhe një tjetër u plagos rëndë nga një goditje rrufeje pranë Shtëpisë së Bardhë të enjten në mbrëmje, kanë thënë zyrtarët e policisë dhe zjarrfikësve të Uashington DC.

Sipas mediave të huaja, ata u gjetën afërsisht 30 metra larg nga statuja e Andrew Jackson në sheshin Lafayette afër orës 19:00.

Vito Maggiolo, një zëdhënës i Departamentit të Zjarrfikësve dhe EMS të DC, tha të enjten mbrëma se oficerët e Shërbimit Sekret dhe Policia e Parkut të Shteteve të Bashkuara “ishin dëshmitarë të goditjes së rrufesë dhe menjëherë filluan t’u japin ndihmë katër viktimave.

“Ne ishim në gjendje t’i trajtonim dhe transportonim me shpejtësi ata katër individë në spitalet e zonës”, tha Maggiolo në konferencën për shtyp në orën 20:30. te enjten.

Maggiolo tha se beson se pacientët kishin qëndruar pranë një peme kur rrufeja goditi.

Dy viktimat që vdiqën janë identifikuar si 76-vjeçari James Mueller dhe 75-vjeçarja Donna Mueller, një çift nga Janesville, Wisconsin, ka thënë për Business Insider, Departamenti i Policisë Metropolitane të DC.

Ky departament më vonë konfirmoi se një person i tretë ka vdekur pas incidentit, një mashkull 29-vjeçar.

Maggiolo u tha gazetarëve se kur bubullimat dhe vetëtimat janë të pranishme, është më mirë të qëndroni larg pemëve dhe të futeni brenda.

Ndërkohë janë publikuar disa pamje të cilat thuhet se tregojnë momentin kur godet rrufeja.