Sllovakia vendos ndalesë në importet e grurit ukrainas

Qeveria e Sllovakisë e ka miratuar të hënën një ndalesë në importet e grurit ukrainas dhe produkteve tjera ushqimore, pas një vendimi të ngjashëm të Polonisë dhe Hungarisë në fundjavë.

Eksportet e grurit ukrainas kanë kaluar transit në Bashkimin Evropian dhe shtetet tjera, prej kur rrugët tradicionale në Detin e Zi janë bllokuar, si pasojë e luftës së nisur nga Rusia në Ukrainë.

Mirëpo, për shkak të arsyeve logjistike, gruri është magazinuar dhe ka ndikuar në ulje të çmimeve.

Krejt kjo situatë ka nxitur protesta të bujqve lokalë, të cilët kanë përmendur edhe shqetësimet për sigurinë.