Sot do të zhvillohen katër përballje nga grupet G dhe H

Kampionati Botëror 2022 do të vazhdojë me katër ndeshje të tjera. Në kuadër të Kupës së botës “Katar 2022”, sot janë në orar ndeshjet e grupit G dhe grupit H,

Ditën e nis grupi G, me ndeshjen Zvicër – Kamerun, ndeshje kjo e cila luhet me fillim në orën 11:00.

Më pas, mesditën dhe pasditen e vazhdon grupi H, me ndeshjet Uruguai – Korea e Jugut dhe Portugali – Gana. Uruguai e luan ndeshjen e vet në ora 14:00, derisa Portugalia luan në ora 17:00.

Ndërsa, për ta mbyllur ditën duhet kthyer te grupi G, ku Brazili do të përballet me Serbinë.