Sot i jepet lamtumira e fundit Bob Dole
Ish-senatorit amerikan, Bob Dole, sot do t’i jepet lamtumira e fundit me ceremoni shtetërore.
Kortezhi i tij i varrimit do të fillojë nga Katedralja Kombëtare në Washington, me orë lokale në ShBA 11:00.
Gjatë së enjtes në nder të tij u organizuan homazhe në Capitol Hill të Shtëpisë së Bardhë. Aty i pranishëm ishte edhe presidenti i SHBA-së, Joe Biden, i cili mbajti edhe një fjalim.
Ai theksoi se duhet të ndjekin mençurinë e tij për të shkuar para, shkruan AP.
“E vërteta e çështjes është se e vetmja rrugë përpara për demokracinë është uniteti dhe konsensusi”, u tha Biden të mbledhurve.
Ceremonia e mëngjesit i mblodhi rreth 100 persona. Dole, shërbeu gati për 36 vjet në Kongresin amerikan, ai vdiq të dielën në moshën 98-vjeçare.
Dole pati rol kyç në përfundimin e luftës së fundit në Kosovë.
