Elon Musk tha sot se hapat që SpaceX ka ndërmarrë për të parandaluar përdorimin “e paautorizuar” të Starlink nga ana e Rusisë duket se janë të suksesshëm.
“Hapat që kemi ndërmarrë për të parandaluar përdorimin e paautorizuar të Starlink nga Rusia duket se po japin fryte. Ju lutemi na njoftoni nëse duhet bërë më shumë”, shkroi në Twitter drejtori ekzekutiv i SpaceX, Musk, në llogarinë e tij në X.
Ministri ukrainas i Mbrojtjes, Mykhailo Fedorov, tha të enjten se Ukraina po punon me SpaceX për të parandaluar Rusinë të fluturojë me dronë duke përdorur sistemin e saj të internetit Starlink, pasi Kievi tha se e kishte gjetur atë në dronë me rreze të gjatë veprimi të përdorur në sulmet ruse.
“Teknologjia perëndimore duhet të vazhdojë të ndihmojë botën demokratike dhe të mbrojë civilët, në vend që të përdoret për terrorizëm dhe shkatërrimin e qyteteve paqësore”, shkroi Fedorov në X.
