Spasovski krahason rastin e Mijallkovit me “Monstrën”: Ka standarde të dyfishta në gjyqësor

“Rreth përgjegjësisë, unë seriozisht mendoj se duhet të kërkohet dhe të përcaktohet përgjegjësia gjithkund nëpër institucione, këtu nuk e amnistoj Ministrinë e Punëve të Brendshme”, kështu e komentoi fillimisht arratisjen e Mijallkovit ministri i Punëve të Brendshme, Oliver Spasovski. Ai tha se gjyqësori punon me standarde të dyfishta.

“A ka përgjegjësi në organet gjyqësore? Duhet të vërtetohet. A ka standarde të dyfishta gjatë veprimit ndaj këtij lloji të krimit? Po ka. Sepse diku në fund të muajit nëntor kërkohej për ata që ishin të dyshuar, respektivisht të akuzuar në rastin Monstra, sepse kishte mundësi për arratisje. Në këtë fazë kur keni përfundim të lëndës, nuk kërkohet paraburgim, nuk e di për çfarë arsye”, pohoi Spasovski.