Zyrtarët australianë të shëndetësisë thanë se nëntë persona në Sidnei kishin “reaksione toksike”, duke përfshirë halucinacione, nga spinaqi që ishte spërkatur me një “ndotës aksidental”.
Autoritetet në Uellsin e Ri Jugor thanë se katër familje u trajtuan në institucionet shëndetësore pasi kishin ngrënë spinaq dhe kishin nevojë për kujdes mjekësor për “reaksione toksike”. Ndryshe, këto familje spinaqin e kanë blerë në rrjetin e megamarketeve “Costco”.
Autoritetet shëndetësore theksuan se reagimi tek personat e shtruar ka ndodhur për shkak të pranisë së një “substancash kontaminuese aksidentale në produktin ushqimor”, e cila mund të shkaktojë halucinacione, deliri, konfuzion, puls të shpejtë.
Autoritetet treguan se spinaqi i blerë në dyqanet e rrjetit të tregjeve të përmendura “nuk është i sigurt për konsum njerëzor”.
“Pacientët që u shtruan në spital kishin halucinacione të rënda dhe nuk mund të tregonin se çfarë po ndodhte saktësisht me ta. Për fat të mirë nuk pati viktima, por pacientët e helmuar mund të kenë pasoja”, tha Dr Darren Roberts, nga Qendra e Informacionit për Helmet në NSW.
