Studimet kanë treguar efektin e mjaltit në organizëm – mjaftojnë dy lugë çaji në ditë
Hulumtimet e publikuara në vitin 2022 në revistën shkencore "Nutrition Reviews" treguan se mjalti mund të përmirësojë nivelet e sheqerit në gjak dhe kolesterolit.
Në hulumtim kanë marrë pjesë 1110 persona dhe ka zgjatur rreth dy muaj dhe rezultatet kanë treguar se mjalti ka një efekt pozitiv në shëndetin e zemrës dhe se ka një efekt të favorshëm në nivelin e sheqerit dhe kolesterolit në gjak.
Pjesëmarrësit në përgjithësi konsumonin rreth dy lugë çaji të plota mjaltë në ditë, por u vu re se mjalti i papërpunuar jepte shumë më tepër përfitime, ndërsa mjalti i përpunuar nuk ishte aq efektiv kur bëhej fjalë për përfitimet për trupin.
“Këto rezultate janë befasuese, duke pasur parasysh se mjalti është afërsisht 80 për qind sheqer. Por mjalti është gjithashtu një përbërje komplekse e sheqernave, proteinave, acideve organike dhe komponimeve të tjera të zakonshme dhe të rralla bioaktive që janë shumë të dobishme për shëndetin. Mjalti është i pasur me antioksidantë që janë të mirë për shëndetin e zemrës. Ai përmban flavonoide që kanë aftësinë të parandalojnë formimin e mpiksjes së gjakut, por edhe komponime fenolike që ulin rrezikun e sëmundjeve të zemrës dhe mbrojnë qelizat nga stresi oksidativ”, thotë dietologia Catherine Hervasio për “Nutrition Reviews”.
Në fund, ekspertët ranë dakord që një deri në dy lugë mjaltë të papërpunuar në ditë mjafton për të marrë lëndët ushqyese që ju nevojiten për shëndetin.
