Stuhia në SHBA, anulohen mijëra fluturime

Mijëra udhëtarë janë të bllokuar në aeroportet amerikane pasi anulimet dhe vonesat e fluturimeve vazhdojnë të shkaktojnë kaos pas një stuhie vdekjeprurëse dimri. Mbi 2,800 fluturime janë anuluar dhe rreth 3,200 janë vonuar. Kaosi ka lënë mijëra pasagjerë të flenë në terminale ndërsa kërkojnë zgjidhje. Ditë më parë presidenti amerikan Joe Biden tha se administrata e tij po punon për të siguruar që linjat ajrore të mbajnë përgjegjësi për ndërprerjet. Me anulimet dhe vonesat e fluturimeve që vazhdojnë, mijëra pasagjerë janë lënë në aeroportet anembanë vendit ndërsa përpiqen të ri-prenotojnë fluturimet ose të bëjnë aranzhime alternative të udhëtimit. Ndërkohë Garda Kombëtare po shkon derë më derë në disa zona të Buffalo për të kontrolluar personat e mbetur pa energji gjatë stuhisë më vdekjeprurëse të dimrit në dekada. Tashmë, janë raportuar 35 viktima në perëndim të Nju Jorkut nga stuhia që shpërtheu në pjesën më të madhe të vendit. Aeroporti Ndërkombëtar Buffalo Niagara është rihapur pas një mbylljeje pesë-ditore, megjithëse shumë fluturime janë anuluar.