Nëpërmjet ekipeve celulare të Drejtorisë Doganore është parandaluar një tentativë për futje të paligjshme të devizave të padeklaruara në vlerë prej 200 mijë eurosh, pasi një shtetas hungarez në hyrje të vendit, në vendkalimin kufitar Tabanoc, në kundërshtim me ligjin nuk i ka paraqitur ato tek nëpunësit doganorë.
Për shkak të ekzistimit të dyshimit, automjeti është përzgjedhur nga një ekip celular për kontroll dhe është bërë një kontroll i detajuar, me ç’rast midis ndërruesit të shpejtësisë në një çantë dore është gjetur një qese e vogël pëlhure me mjete devizore në vlerë totale prej 65.000 euro. Gjatë kontrollit të mëtejshëm në një çantë shpine (çantë shpine/rrobaqepësie) që ndodhej në ulësen e pasme u gjet një çantë e vogël e zezë e cila ishte e mbuluar me një kompjuter dhe në të kishte 37.650 euro. Në një valixhe që gjithashtu ndodhej në ulësen e pasme, mes rrobave, është gjetur edhe një çantë tjetër e zezë me 97.350 euro.
Në total, nga mjetet monetare të padeklaruara të gjetura në vlerë prej 200.000 eurosh, udhëtarit i janë kthyer 10.000 euro në pajtim me Ligjin për Operacione Devizore, ndërsa 190.000 eurot e mbetura janë mbajtur me Vërtetim për Mjete të Përmbajtura.
Ndaj kryesit të veprës është parashtruar padi e duhur kundërvajtëse./Alsat.mk
