Të akuzuarit për vrasjen e Denis Tot, nuk e pranojnë fajësinë
Të akuzuarit për vrasjen e hendbollistit kroat Denis Tot, Angelo Gjorgievski, Klementina Levkovska dhe Andrej Kostovski, sot para Këshillit Gjyqësor në Gjykatën Themelore Penale – Shkup, u deklaruan se nuk ndihen fajtorë për veprën për të cilën ngarkohen.
Prokuroria Themelore Publike Shkup i procedon të pandehurit Angelo Gjorgievski, Klementina Levkovska dhe Andrej Kostovski për veprën penale “vrasje” nga neni 123 paragrafi 1 në lidhje me nenin 22 të Kodit Penal.
Sipas aktakuzës, të pandehurit akuzohen se më 07.04.2022, para një lokali nate në parkun e qytetit në Shkup, së bashku, e kanë privuar nga jeta hendbollistin Denis Tot.
Gjykimi udhëhiqet nga gjyqtarja Elena Ilievska Josifovic, ndërsa seanca e radhës është caktuar për 14 shtator.
