Të paktën 2,000 bagëti kanë ngordhur pas një ndryshimi të shpejtë të temperaturave në pjesën jugperëndimore të Kansasit

Të paktën 2,000 bagëti kanë ngordhur në pjesën jugperëndimore të Kansasit pasi ndryshimi i shpejtë i temperaturave, lagështisë dhe erës e bënë të vështirë për lopët të përballonin këtë ndryshim.

Kështu ka thënë për CNN, Drejtori i Departamentit të Shëndetit dhe Komunikimit të Mjedisit në Kansas, Matt Lara.

Sipas mediave të huaja, përcjell Telegrafi, një ngjarje e pazakontë moti fundjavën e kaluar, ku zonat e Kansasit jugperëndimor panë një rritje të temperaturës 10 deri në 14 gradë dhe një rritje të lagështisë, shkaktoi probleme në disa bagëti në rajon.

Dhe sipas Scarlett Hagins nga Shoqata e Blegtorisë së Kansas, ndryshimi i papritur nuk lejoi që bagëtia të ambientohej aq shpejt sa duhej.

“Stresi i nxehtësisë është një shqetësim në këtë kohë të vitit dhe prodhuesit bëjnë çdo përpjekje për të zbutur situatën përpara një ngjarjeje ekstreme të nxehtësisë duke u siguruar që të ketë ujë shtesë, duke ndryshuar oraret dhe racionet e ushqimit nëse është e nevojshme dhe duke zbatuar sisteme spërkatëse”.