Të paktën shtatë persona kanë vdekur nga stuhitë e forta në Zvicër dhe Francë
Të paktën shtatë persona kanë vdekur nga stuhitë e forta në Zvicër dhe Francë
![](https://alsat.mk/wp-content/uploads/2024/06/vershimet-730x470.jpg)
Të paktën shtatë persona humbën jetën në stuhitë e forta në Zvicër dhe Francë, thanë autoritetet lokale. Stuhia shkaktoi përmbytje, rrëshqitje dheu, ndërprerje të energjisë elektrike dhe rrëzimin e pemëve. Në Francë, tre persona humbën jetën kur një pemë ra mbi makinën e tyre për shkak të erërave të forta në departamentin Aude në Francën verilindore. Një person ka mbetur i plagosur.
Në Zvicër, reshjet e dendura të shiut shkaktuan rrëshqitje dheu në pjesën juglindore të vendit. Katër janë viktimat e fatkeqësisë. Ka nisur evakuimi i turistëve nga kampi në Monjo dhe nga turneu i futbollit në Peçë. Disa lugina pranë luginës së Madzës janë të paarritshme dhe nuk ka energji elektrike. Një pjesë e kantonit Ticino është pa ujë të pijshëm.
Evakuime ka edhe në zonën e Rhône në kantonin Valais. Moti i keq ka prekur edhe pjesë të Italisë veriore dhe Gjermanisë.