Të paktën tetë të vdekur pas trazirave në Papa New Guinea

Të paktën tetë persona kanë vdekur pas trazirave që goditën kryeqytetin e Papua New Guinea, Port Moresby.

Dyqanet dhe makinat u dogjën dhe supermarketet u plaçkitën pasi policia hyri në grevë për një mosmarrëveshje pagash. Qindra kishin dalë në rrugë të mërkurën.

Më pas, kryeministri James Marape iu drejtua kombit duke thënë se paligjshmëria nuk do të tolerohej, raporton BBC.

“Shkelja e ligjit nuk arrin rezultate të caktuara”, i tha ai publikut të enjten.

Ushtria është vendosur për të rivendosur rendin dhe ndërsa shumica e trazirave u shuan të mërkurën mbrëma, Marape pranoi: “Ka ende tensione atje”.