Tërmeti godet Malin e Zi dhe Bosnjën e Hercegovinën

Një termet me fuqi shkatërruese prej pre 4.7 mangnitudë, ka goditur sot rreth orës 12:40 Malin e Zi, por edhe Bosnjën e Hercegovinën.

Epiqendra e tërmetit ishte 31 kilometra nga Nikshiqi, në një thellësi prej tri kilometrash, transmeton Telegrafi.

“Është dridhur shumë, ka zgjatur dhjetëra sekonda. Ishte më i fuqishëm sesa tërmeti i të hënës”, ishin disa nga komentet në ueb-faqen e EMSC-së.

Deri më tani nuk raportohet për dëme materiale apo të lënduar.

Ndërkaq një ditë më parë u regjistrua një tërmet tjetër në po të njëjtin rajon, por që kishte fuqi më të vogël, pra prej 4.4 magnitudë.