Thuhet nga nutricionistët se ky është mëngjesi më i shëndetshëm

Nutricionistët rekomandojnë fillimin e ditës me një gotë ujë të vakët me limon, por cila është gjëja më e mirë për të ngrënë më pas? Ekspertët e të ushqyerit pohojnë se kanë gjetur mëngjesin më të shëndetshëm në botë.

Sipas tyre, zgjedhja më e mirë është drithërat me copa frutash të freskëta dhe të thata. Një sugjerim është tërshëra me embrion gruri, një mollë, kajsi të thata dhe kos me pak yndyrë.

Pse është ky një mëngjes i shëndetshëm?

Embrionet e grurit dhe tërshëra kanë fibra dhe kanë një efekt pozitiv në tretje. Bollguri është një superushqim sepse është burim i karbohidrateve komplekse dhe nuk ka shumë kalori. Përveç kësaj, tërshëra përmban vitamina E dhe B, si dhe minerale selen, zink, kalcium dhe magnez.

Embrioni i grurit njihet si rojtari i zemrës sonë, redukton yndyrën në gjak dhe ka një efekt të mirë në shikimin tonë. Ato janë gjithashtu një burim i vitaminave E, B dhe C.

Nëse hamë një mollë në mëngjes, do ta furnizojmë trupin me vitamina, dhe vitamina C nga ky frut ndihmon me ftohjet dhe infeksionet virale, ndërsa fibrat janë të mira për tretjen.

Kajsitë e thata janë burim i hekurit dhe vitaminave B dhe C, dhe përmbajnë deri në 12 herë më shumë vitaminë A se frutat e freskëta. Dhe së fundi, kosi me pak yndyrë do të kompletojë vaktin tuaj, duke shtuar proteina, kalcium dhe kalium.