Tikveshi deklasoi Makedonija Gjorçe Petrovin me 4:0
Sot u zhvillua vetëm një nga 5 ndeshjet e programuara të javës së 10-të në Ligën e Parë Futbollistike të Maqedonisë.
Në stadiumin në Kavadar, skuadra e Tikveshit, me rezultat bindës, 4-0, mundi skuadrën e Makedonija Gj.P. falë Ivanovskit dhe Ngoba-s, të cilët shënuan nga 2 gola. Tikveshi me këto 3 pikë, kalon në pozitën e dytë në renditjen e Ligës së Parë Futbollistike të Maqedonisë me 16 pikë.
Ndërkohë të dielën do të zhvillohet takimet e tjera të javës së 10-të. Kampioni aktual, FC Shkupi, në transfertë, do të përballet me skuadrën e Akademia Pandevit, ndërsa në Tetovë, Shkëndija takohet me Bregallnicën. Në Kratovë, Sileksi mirëpret skuadrën e Pobedës, ndërsa në Shkup, skuadra e Skopjes takohet me Rabotniçkit.
Të gjtha ndeshjet nisin në orën 14.00, ndërsa lideri aktual, Struga Trim Lum është i lirë këtë fundjavë.
LIGA E PARË – JAVA 10
Tikveshi 4–0 Makedonija Gj.P.
Skopje – Rabotniçki
Shkëndija – Bregallnica
Sileksi – Pobeda
Akad. Pandev – Fc Shkupi
Struga Trim Lum i lirë.