Tmerr në Osijek: Një makinë ka dalë nga pista gjatë një gare direkt në spektatorë, ka edhe të lënduar/VIDEO

Një nga pjesëmarrësit e garës së 31-të të rrugës në Osijek doli me makinë nga pista dhe goditi spektatorët. Katër persona kanë mbetur të plagosur dhe janë dërguar në spital. Policia është njoftuar rreth orës 15:25 për ngjarjen dhe ka shkuar menjëherë në vendngjarje. Një hetim është duke u zhvilluar, njofton policia.

Gara rrugore e Osijekut u mbajt në aeroportin sportiv Osijek-Čepin dhe mblodhi 230 garues nga Evropa. Siç mund ta shihni në videon e postuar në Facebook, makina është përplasur me tribunën e ngritur pranë pistës. Organizatorët e garës gjithashtu postuan shkurtimisht incidentin në faqen zyrtare në Facebook të Osiek Street Race.

“Një nga drejtuesit e mjeteve humbi kontrollin e mjetit dhe u përplas me tribunën, duke plagosur disa spektatorë. Me reagimin e shpejtë të ekipit mjekësor, të gjithë të lënduarve iu është ndihmuar dhe askush nuk është në rrezik”, kanë shkruar nga aty.