Trajneri Poceko jep kartelën bankare basketbollistëve, që të festojnë fitoren
Trajneri i Italisë, Xhanmarko Poceko, është ylli më i madh në Kampionatin Evropian të basketbollit, jo vetëm për shkak të fitores së madhe ndaj Serbisë, por edhe për mënyrë emocionuese me të cilin drejton ndeshjet e “azzurëve” dhe sjelljen e tij brenda dhe jashtë terrenit.
Mediat italiane raportojnë sot se lideri i “azzurëve” i gëzuar pa masë nga kualifikimi në çerekfinale, u ka dhënë të zgjedhurve të tij kartelën bankare, për të festuar ashtu siç duhet.
“Pas ndeshjes me Serbinë, unë u dhashë basketbollistëve kartelën time bankare, që të bënin çfarë të donin dhe të festonin në mënyrën e duhur. Ata thjesht më kërcënuan se mos u kam dhënë numrat e gabuara të kodit të kartelës bankare,“ tha Poceko.
Pas takimit, trajneri i Italisë theksoi rolin e Nikolo Melli-t, të cilin e quajti basketbollistin më të mirë në botë, edhe para Donçiçit, Jokiçit dhe Antetokounmpo-s.