Trenat e pasagjerëve në linjën Shkup-Manastir rifillojnë së funksionuari nga sot

Pas përfundimit të punimeve ndërtimore në linjën hekurudhore Shkup – Manastir – Zhabeni, që nga sot do të rivendoset trafiku hekurudhor i pasagjerëve në linjat Shkup – Manastir dhe Manastir – Shkup, njofton HRMV.

Trafiku po kthehet në normalitet pas përfundimit të punimeve në seksionin nga stacioni hekurudhor Bakarno Gumno deri në skelën e ngarkimit Nikola Karev.

Sot, trenat 641 do të operojnë nga Shkupi për në Manastir, duke u nisur në orën 07:06 dhe 645, duke u nisur në orën 20:05.

Nga Manastiri për në Shkup, treni 644 do të operojë po atë ditë, duke u nisur në orën 18:22, ndërsa treni 640 do të niset në orën 03:10 më 16 korrik.

Ministria e Hekurudhave dhe Infrastrukturës thekson se rivendosja e trafikut lejon funksionimin normal të transportit hekurudhor të pasagjerëve në këtë seksion.