Trump, kandidat për çmimin Nobel për Paqen
Alsat
09.09.2020 14:37
Donald Trump është emëruar për çmimin Nobel për Paqe për vitin 2021. Zyrtarizmi erdhi nga një anëtar i parlamentit të Norvegjisë, që vlerëson presidentin amerikan për rolin e tij në ndërmjetësimin e marrëveshjes historike mes Izraelit dhe Emirateve të Bashkuara Arabe.
“Mendoj se Trump ka bërë më shumë përpjekje se çdo kandidat tjetër për të sjellë paqe mes shteteve”, konfirmon Kristian Tybring Gjede. “Duke parë që pritet që edhe shtete të tjera të Lindjes së Mesme të ndjekin shembullin e Emirateve, kjo ujdi mund të jetë pikë kthese që transformon Lindjen e Mesme në një zonë prosperiteti dhe bashkëpunimi”, shkruhet në letrën mbështetëse të kandidaturës së Trump.
Ndërkohë, administrata e presidentit amerikan është angazhuar për paqe edhe në Ballkanin Perëndimor. Javën e kaluar me ndërmjetësimin e Shtëpisë së Bardhë, Kosova dhe Serbia nënshkruan një marrëveshje për stabilizimin ekonomik.
