Turqia dënon sulmin në Odesa – fton palët të vazhdojnë bashkëpunimin për grurin

Turqia tha se ishte e shqetësuar për sulmet ruse në portin ukrainas të Odesës, një ditë pasi Kievi dhe Moska nënshkruan një marrëveshje në Stamboll për të rivendosur eksportet e grurit ukrainas, ndërsa Rusia mohoi çdo përfshirje të palës turke.

“Fakti që një incident i tillë ndodhi menjëherë pas marrëveshjes që arritëm dje na shqetëson vërtet”, tha ministri turk i Mbrojtjes, Hulusi Akar.

Ai u bëri thirrje të gjitha palëve që të vazhdojnë bashkëpunimin për furnizimin me grurë.

Akar tha gjithashtu se zyrtarët rusë i thanë Ankarasë se nuk kishin asnjë lidhje me sulmin në portin e Odessa.

Dy raketa ruse goditën portin, por nuk shkaktuan dëme të konsiderueshme, njoftoi shërbimi publik Suspilna, duke cituar ushtrinë ukrainase.

Stacioni i pompimit u godit dhe ndikimi shkaktoi një zjarr të vogël që dëmtoi shtëpitë përreth portit, tha zëdhënësja e Komandës Ushtarake Jugore të Ukrainës, Natalia Humeniuk. Depoja e grurit nuk është prekur, shtoi ajo. Nuk ka raportime për viktima.