Tym, flakë dhe gurë në rrugët e Tiranës, protesta nuk ndalet!
Prej orës 16:15 vijon protesta e qytetarëve në Tiranë mbrëmjen e sotme, fillimisht para ministrisë së Brendshme duke kërkuar dorëheqjen e Ministrit të Brendshëm Sandër Lleshajt dhe tashmë janë përpara Kryeministrisë, hyrjen e së cilës e shkatërruan me gurë dhe sende të tjera të forta.
Protestuesit pas Ministrisë së Brendshme dhe Kryeministrisë u drejtuan për në sheshin “Skënderbej” ku sulmuan me gurë bashkinë e Tiranës thyer xhamat e disa dritareve dhe një nga hyrjet.
Më pas protestuesit bënë thirrje për t’u drejtuar për te drejtoria e policisë së Tiranës. “Hajdeni thyejmë drejtorinë e policisë së Tiranës” dëgjohen thirrjet e tyre.
Protestuesit kanë deklaruar se do të vijojnë me vendosmëri qëndresën deri në vendosjen e drejtësisë dhe largimin e Sandër Lleshajt.
