Ukraina ka frikë nga sulmet ruse në natën e Vitit të Ri

Situata e energjisë elektrike në të gjithë Ukrainën mbetet “me të vërtetë e vështirë” për shkak të rrezikut të vazhdueshëm të bombardimeve ruse, tha Ministri i Energjisë i Ukrainës, Herman Halushchenko, duke paralajmëruar se natën e Vitit të Ri mund të ketë “dëme maksimale në sistemin energjetik”.

Duke folur në televizionin ukrainas të martën, Halushchenko tha se Ukraina po përpiqej të përdorte kohën midis sulmeve ruse për të reduktuar deficitin e energjisë duke rritur prodhimin e energjisë elektrike dhe gjithashtu për të rritur kapacitetin për të transmetuar energjinë elektrike

Dhe gjatë pushimeve të fundvitit, rreziku i granatimeve mund të jetë më i lartë, shtoi Halushchenko.

“Ka një ndjenjë që [rusët] nuk kanë refuzuar të vazhdojnë të bombardojnë sistemin tonë energjetik. Ata janë të lidhur me data të caktuara. Mendoj se Viti i Ri është një nga datat e tilla kur ata do të përpiqen të shkaktojnë dëme maksimale në sistemin energjetik”, citohet të ketë thënë më tej ai.